Lèzetazini pral pwolonje jiska mwad Jyen 2024 pwogram TPS la (Stati Pwovizwa Pwoteje) pou migran ki soti nan 6 peyi.
Se anbasade peyi Salvado Ozetazini, Milena Mayorga ki bay ajans nouvel Reuters nouvel sa a Jedi apremidi. Savledi stati pwoteje TPS yo jwi a pap ekspire anko 31 Desanm 2022.
Peyi ki konsene yo se: Salavado, Ayiti, Nikaragwa, Soudan, Ondiras ak Nepal.
Anbasadè Mayorga pibliye yon mesaj sou kont Twitter li ki di: "Gras a Dye". Li ajoute ke viza travay pou moun ki gen TPS yo ap valab pou yon lot 18 mwa.
Dapre Konsèy Imigrasyon Ameriken an, stati pwoteje pwovizwa a se yon stati ke yo bay moun sèten peyi kote ki gen pwoblem ensekirite ki lakoz yo paka depote yo.
Depatman Sekirite Nasyonal la anonse pwolongasyon an, ke li pral pibliye semèn pwochèn "pou asire li kontinye respekte" pandan gen 2 pwosè ki devan tribinal.
Administrasyon Prezidan Joe Biden te rale ko li soti nan mwad Oktob la nan negosyasyon ki ta dispoze plis pwoteksyon pou moun ki gen TPS yo e ki soti nan peyi sa yo. Sa vekse moun kap mennen pwosè kont gouvènman an pou mande l pwoloje TPS la pou peyi sa yo.
