Yon jij nan Nouyok kite tonbe youn pami 2 akizasyon yon aktè ki rele Anthony Rapp te lanse kont aktè Kevin Spacey.
Rapp di Spacey te fè avans seksyèl lè li te ale nan apatman misye nan ane 80 yo - lè li te gen 14 zan.
Yon jij federal voye jete akizasyon ki di Spacey te fè ekspre koze domaj emosyonèl sou jèn gason an Lendi, apre avoka Rapp yo te prezante prèv pou apiye akizasyon sa a.
Avoka Spacey la te mande jij la voye jete akizasyon an paske yo te di avoka Rapp yo pa gen prèv pou montre sa yo di a se verite.
Sepandan jij la di pwosè pou atak Rapp ap mennen kont Spacey a kapab fèt.
Spacey gen pou'l temwaye devan tribinal pi ta jodi Lendi a.
