Medyatè rejyonal yo pral vizite Burkina Faso Lendi apre dezyèm kou deta ki fèt nan peyi a. Lidè nan rejyon an gen kè sote dènye kou sa a taka lakoz yo ranvwaye dat eleksyon yo epi ke sa va agrave zak vyolans ekstremis yo.
Nouvèl sou vwayaj delegasyon ECOWAS (CEDEAO) la ki se yon blòk rejyonal, nan Ouagadougou, vini apre diplomat yo te konfime ke Lyetnan Kolonèl Paul Henri Sandaogo Damiba te kite peyi a pou'l al Togo apre negosyasyon ki te gen patisipasyon lidè relije yo.
Nouvo lidè Burkina a, Kapitèn Ibrahim Traore gen 34 an e li se chèf deta ofisyèl peyi a an atandan eleksyon dewoule. Se sa jent militè a anonse Dimanch. Traore te rakontre anplwaye sivil leta yo Dimanch pou di yo fòk yo akselere travay yo.
