Otorite yo fè konnen gen 23 moun pou pi piti ki pèdi lavi yo e 28 lòt blese toupre Zaporizhzhia. Gen 3 lòt ki pèdi lavi yo e 12 ki blese nan Mykolaiv. Konvwa yo t ap pote moun ki ta pwal chache fanmi yo nan zòn ke LaRisi kontwole yo.
LaRisi gen pou li anonse ofisyèlman aneksasyon 4 teritwa – Donetsk, Luhansk, Kherson ak Zaporizhzhia – jodi vandredi a. Kremlen an pral make jou sa a ak konsè e ak miting nan Moskou.
Pandansetan, Fenland se dènye peyi ki fèmen fwontyè li pou gason ris k ap kouri pou mobilizasyon militè LaRisi anonse a. Moun kap kouri kite peyi a pa vle al goumen nan Ikrèn.
Sekretè Jeneral l-ONU Antonio Guterres kondane ak tout fòs desizyon LaRisi pran pou anekse teritwa yo, e li di se yon aksyon illegal, dapre chart Nasyon Zini.
