Prezidan ameriken an, Joe Biden, fè bak sou remak li te fè yon jou anvan nan yon diskou, kote li te deklare "nenpòt moun ki mande pou yo sèvi ak vyolans oswa ki pa kondane vyolans lè yo itilize li" se yon "menas pou demokrasi a" jodi a li retounen sou kèk nan pawòl sa yo.
Li deklare "Mwen pa konsidere yon patizan Trump kòm yon menas".
Prezidan Etazini Joe Biden te lanse avètisman Jedi swa pou di "egalite ak demokrasi ap sibi atak". Biden sonnen yon alarm pa rapo ak predesesè li, Donald Trump ak patizan "MAGA Repibliken yo" ke li dekri tankou ekstremis ki poze yon menas pou avni peyi a.
"Donald Trump ak Repibliken MAGA yo reprezante yon ekstremis ki menase fonasyon repiblik nou an. Map di klèman. Se pa tout Repibliken, pa menm majorite Repibliken ki se Repibliken MAGA. Se pa tout Repibliken ki dako ak ideyoloji ekstremis yo a."
Prezidan an dekri eleksyon mwad Novanm yo tankou yon batay pou nam peyi Etazini, ak travay prezidans li. Biden sèvi ak diskou li a ke li pwononse nan lè plis Ameriken ap gade televizyon, depi Sal Endepandans vil Filadèlfi, ke Trump ak alye Rann Etazini Pi Gran yo defye sistèm gouvènman Etazini, pozisyon ni nan kominote entènasyonal la epi stil lavi sitwayen li yo.
