Prezidan ameriken an, Barack Obama, pral resevwa lidè peyi manm Òganizasyon Trete Atlantik Nò a, l’OTAN, nan fen semèn sa a, nan Eta kote li genyen kay li, Eta Ilinwa, pou yon somè kote patisipan yo pral santre atansyon yo sou peyi Afganistan, sou fason pou yo pataje responsablite yo, epi fè fas ak lòt defi alyans atlantik la ap konfwonte. Pi bonè nan mwa me a, Misye Obama te pale de objektif somè sa a e li te di :
«Nan Chicago, kowalisyon nou an pral fikse yon objektif pou lame peyi Afganistan an pran direksyon operasyon konba yo atravè peyi a apati ane pwochèn nan. Twoup entènasyonal yo pral kontinye ofri antrènman, fòmasyon, sèvi kòm konseye, asiste militè afgan yo nan travay yo epi batay bò kote yo lè sa nesesè. Sepandan, nou pral chanje wòl nou pou n tounen yon fòs-dapui, pandan lame Afganistan an ap fè pwogrè. »
Yon akò estratejik Lèzetazini ak Afganistan te siyen sa pa gen lontan -pandan yon vizit tout kout Prezidan Obama te fè nan Kaboul- pral jwenn yon konpleman nan somè l’OTAN an kote delege yo gen pou anonse yon apui manch-long pou Afganistan. Sepandan, gen manm nan alyans atlantik la ki kapab pran desizyon dirijan l’OTAN yo pa ta renmen wè yo pran, nan moman kèk eta-manm ap fè fas ak gwo difikilte ekonomik ki oblije yo koupe sou depans yo fè nan domèn defans la.
«Nan Chicago, kowalisyon nou an pral fikse yon objektif pou lame peyi Afganistan an pran direksyon operasyon konba yo atravè peyi a apati ane pwochèn nan. Twoup entènasyonal yo pral kontinye ofri antrènman, fòmasyon, sèvi kòm konseye, asiste militè afgan yo nan travay yo epi batay bò kote yo lè sa nesesè. Sepandan, nou pral chanje wòl nou pou n tounen yon fòs-dapui, pandan lame Afganistan an ap fè pwogrè. »
Yon akò estratejik Lèzetazini ak Afganistan te siyen sa pa gen lontan -pandan yon vizit tout kout Prezidan Obama te fè nan Kaboul- pral jwenn yon konpleman nan somè l’OTAN an kote delege yo gen pou anonse yon apui manch-long pou Afganistan. Sepandan, gen manm nan alyans atlantik la ki kapab pran desizyon dirijan l’OTAN yo pa ta renmen wè yo pran, nan moman kèk eta-manm ap fè fas ak gwo difikilte ekonomik ki oblije yo koupe sou depans yo fè nan domèn defans la.