PDG Tesla a, Elon Musk sèvi ak Twitter pou anonse rankont li ak Pap Francois. Musk sèvi ak kont @Pontifex la poul di ke li "onore" pou'l rankontre ak Francois Vandredi.
Misye pibliye yon foto sou Twitter tou, ki montre'l ansanm ak Pap Francois epi 4 pitit li yo ki se tinedjè.
Vatikan an pat anonse rankont la, ni bay okenn enfomasyon sou kisa yo te diskite.
Tweet Musk la vini apre youn kote li montre yon sèn nan lari vil Veniz. Foto a sigjere vizit Musk la te gen plizyè etap ladann.
Se souvan Pap Francois rankontre gwo responsab an prive. Lè konsa li resevwa yon nan sal resepsyon otèl Vatikan an kote souvren pontif la abite.
Youn nan sijè diskisyon pap la konn soulve lè li rankontre PDG gwo konpayi yo se mande yo sèvi ak richès yo ak teknoloji yo pou ede moun ki pi defavorize yo, epi pran swen kreyasyon Bondye yo.
