"Anyen paka defèt doulè nan kè fanmi viktim yo, sivivan yo, ak tout kominote Uvalde a," se Garland k-ap pale, "Men Depatman Jistis ka sèvi ak konesans li pou evalye sityasyon an pou sa pa rive ankò."
Fiziyad 24 Me a nan Lekòl Primè Robb nan Uvalde, Texas, detwi lavi 19 timoun ak 2 pwofesè e blese plis pase yon douzèn lòt moun. Se tire nan lekòl ki touye plis moun nan Etazini depi plis pase yon dizèn lane.
Garland te pale konsa nan yon reyinyon ak ekip la ki ap fè yon evalyasyon e ki pwale nan nannan ensidan an pou chache konnen kijan lapolis te reponn.