Yon minis nan Sen Domeng mouri anba bal nan biwo li ayè lendi a, dapre otorite nan peyi a.
Otorite dominiken fè konnen Orlando Jorge Mera, minis anviwònman ak resous natirèl, ta tonbe anba bal zanmi danfans li Miguel Cruz, ki kounyea anba men lapolis.
"Youn nan pi gran eritaj Orlando, sèke li pa te konn kenbe moun nan kè," se sa fanmi Jorge di nan yon deklarasyon. Otorite yo pako jwenn ki motif ki dèyè asasinay la.
" Sityasyon sa-a twouble nou," se sa ministè Jorge t ap dirije a di nan yon kominike tou kout.
"Nou menm Dominiken dwe mete tèt ansanm pou fè yon antant pou lapè e pou nou ka viv ansanm nan lapè. Fini ak vyolans," se direktè ekzekitif kabinè Inovasyon an, Bartolome Pujals ki pale konsa.
Jorge, pitit gason ansyen prezidan dominiken Salvador Jorge Blanco, te minis anviwònman ak resous natirèl depi mwa Daout 2020.