Nan yon konferans pou laprès nan katye jeneral li nan Jenèv, direktè OMS la Tedros Adhanom Ghebreyesus di pandan ke ka lanmò yo ap bese nan mond lan, e pandan anpil peyi leve restriksyon yo, pandemic an pako prèt pou fini, e ke li pa pral fini okennn kote jiskaske li fini tout kote.
Tedros di OMS publiye mekredi 9 mas la nouvo konsiy pou moun fè tès COVID-19 pou kont yo e li rekomande pou yo bay moun tès pou yo fè yo-menm anplis de tès ke profesyonèl fè pou yo a.
Li di gen prèv ki montre ke moun ka mete konfyans nan tès ke yo fè pou kont yo e ke y-ap jwenn rezilta kòrèk. E li di tou fè tès pou kont ou a ka diminye inegalite nan jwenn kote pou fè tès yo.
