Nan yon deklarasyon ministè a te di ke Ammar Chafiq Abu Afifa te mouri apre fòs Izrayelyen yo te "louvri katouch sou li" nan Beit Fajar yon zòn ki nan sid Betleyèm.
Nan yon deklarasyon, Fòs Izrayelyen an di ke youn nan patwouy li yo te "idantifye 2 sispèk ki tap apwoche" koloni Izrayelyen Migdal Oz ki kole kole ak Beit Fajar.
"Apre plizyè avètisman, sòlda nou tire sou yo epi youn nan sispè yo te mouri " e yo te ajoute ke yon ankèt deja sou pye.
Viktim nan te soti nan kan refijye Palestinyen Al-Aroub nan sid Betleyèm nan Sisjordanie.
Eklatman Palestinyen ak lame Izrayelyen fèt plizyè fwa nan Sisjordanie, kote Palestinyen yo ap manifeste kont kolonizasyon Izraelyen oswa arestasyon ke Fòs Izrayelyen yo fè nan lokalite Palestine.
Anvan douvanjou madi a, fòs Izraelyen yo te touye 2 lòt Palestinyen nan yon echanj kout zam nan kan refijye Jenin nan nò Sisjordanie.
Dapre lapolis fwontyè Izrayelyen an, fiziyad la te fèt pandan yon operasyon kote yo te arete yon sispè Palestinyen "ke yo tap chèche pou aktivite teworis".
Ajans ofisyèl Wafa palestinyen an te idantifye 2 mesye yo kòm Abdallah al-Hossari, 22, ak Chadi Khaled Najm, 18.
