Prezidan franse a, Emmanuel Macron konfime garanti li jwenn apre li finn rankontre prezidan ris la Vladimir Putin ak prezidan ikrenyen an Volodimyr Zelenskyi.
Nan yon konferans pou laprès ansanm ak prezidan Macron lendi 7 fevriye a, prezidan Putin deklare li kapab sèvi ak kèk nan ide Prezidan Macron yo kòm baz pou l avanse. Angajman 2 lidè yo pran pèmèt prezidan micron mande re-angajman negosyasyon yo sou yon nouvèl baz apre putin pwomèt li pap alabaz yon eskalad.
Prezidan Macron souliyen nesesite pou Ewòp travay ak Larisi pou jwenn fason ak mwayen pou bati yon avni konjwen kòm ewopeyen.
Pandanstan nan yon vil ikrenyen ki rele Zolotoe nan rejyon Luhansk sòlda yo tankou Oleksandr ap siveye zòn nan. Li deklare gen kèk kout za m k ap tire bò isit la detanzantan e si m foure je m nan trou a mwen kapab resevwa yon ba l nan tèt.
Isit Ozetazini, prezidan Joe Biden akeyi nan Lamezon Blanch chanselye alman an Olaf Scholz pou diskite mezi yo dwe adopte si Larisi ta anvayi Ikrèn. Prezidan Joe Biden ki t ap pale pandan yon konferans konjwen ak chanselye alman deklare diskisyon yo te dewoule sou kowoperasyon sere ant 2 peyi yo, devlope yon seri sanksyon kap montre klèman detèminasyon kominote entènasyonal la ak konsekans grav si Larisi vyole dwa gran moun Ikrèn. Pandan li remèsye almay, ak tout lòt patnè ann ewòp de lès yo, Inyon Ewòp la pou travay yo fè nan jefò ini sa a.
Chanselye alman an Olaf Scholz dakò men pase akote menas k ap fèt ta bloke tuyo distribisyon gaz natirèl stream 2 a—yon manman tiyo gaz natirèl la distribye 55 milya mèt kib gaz natirèl chak ane soti an risi pou ale ann Ewòp.
"Nou deklare bay zanmi ameriken yo n ap ini nou, n ap aji ansanm e n ap franchi tout etap nesesè yo."
Ansyen Chanselye Alman an Angela Merkel pa dakò ak prezidan Biden sou estati tiyo distribisyon gaz natirèl la.
Jeffrey Rathke, k ap travay nan American Institute for Contemporary German Studies pale pou l di relasyon enèjetik la pi pwofon ke yon kesyon de senp distribisyon gaz natirèl. Jodi a diferans la ap retresi . Mwen ta di gouvènman alman an e Chanselye Scholz li menm rekonèt nan ka yon agresyon Larisi kont Ikrèn tiyo distribisyon gaz natirèl tream 2 a kapab sou tab la.
Larisi rejte tout plan datak kont vwazen li yo men mande Etazini ak alye li yo pou entèdi Ikrèn ak lòt peyi manm ansyen inyon sovyetik la pou yo pa fè pati alyans l’OTAN an, sispann deplwaye za m nan peyi sa yo epi retire sòlda li genyen ann ewòp de lès yo—yon demand Washington ak l’OTAN rejte.
