Yon Gwo Tanpet Ivè ap Travèse Etazini nan Moman Glas Bay Kè Sote
Yon kokenn chen tanpèt ivè ki afekte dè milyon Ameriken lage lapli, lagrèl ak gwo nèj sou plizyè eta.
Gen plis pase 100,000 kay ak biznis ki rete san kouran, e vol anile nan ayewopo entènasyonal Dallas Fort Worth la, kote konn gen anpil aktivite.
Pami eta ki afekte yo gen Nouvo Meksik pou rive jous nan Maine, kote meteyowolojis yo lanse avètisman bay sitwayen yo pou yo rete vijilan.
Yo predi move tan an pral kouvri rejyon santral Etazini ansanm ak Sid la epi Nodès la.
Meteyowolojis yo predi plis gwo nèj, pandan nivo glas la ap ogmante nan eta ki sitye ant Texas ak Pènsilvani.
