Lidè yo atravè lemond reyaji sou rezilta eleksyon mi-manda yo Ozetazini pandan alye ak advèsè Washington yo ap poze kesyon pou yo mande ki konsekans viktwa Demokrat yo nan Chanm Bas la pral genyen sou oryantasyon politik entènasyonal Administrasyon Trump la pandan 2 zan ki rete nan manda Prezidan ameriken an.
Ann Ewòp otorite yo gen krentif pou Lèzetazini pa ogmante tarif yo sou prensipal pwodui ekpòtasyon kontinan an -pwodui tankou machin, pa egzanp. Ann Almay, daprè minis afè etranje a, rezilta eleksyon an pa tèlman sanble li pral bese tansyon ki egziste ant Washington ak gouvènman diferan peyi ki fòme inyon an.
Nan Moskou yon pòtpawòl Prezidan Vladimir Putin deklare li pa prevwa rezilta sa yo pral envlimen plis toujou relasyon peyi a avèk Lèzetazini; paske, daprè pòtpawòl la, jan rapò yo ye aktyèlman an, pa gen mwayen pou yo vi pi mal.