Kalm sanble ta retounen nan vil Beladè ki sou fwontyè Ayiti pataje ak Repiblik Dominikèn apre solda dominiken ta entre sou teritwa ayisyen an pou fòse yon kamyon transpò dominiken peye taks ladwan.
Dapre nouvèl yo 6 moun pou pipiti pami yo yon solda dominiken blese pandan yon boukantay kout zam ant solda dominiken ak moun yo idantifye kòm sivil ayisyen. Premye Minis gouvènman demisyonè a Jack Guy Lafontant ak Direktè polis nasyonal la Michel-Ange Gedeon te nan tèt yon delegasyon ki te ale nan zòn nan pou rankontre pati konsène yo.
Chèf gouvènman demisyonè a mande minis Afè Etranjè ayisyen an pou konvoke anbasadè dominiken an pou l vin bay eksplikasyon sou ensidan an ki rive Samdi 18 Out 2018 la. Prezidan Jovenel Moise ekri sou rezo sosyal Twitter pou l mande popilasyon an gade kalm li.