Prezidan Recep Tayyip Erdogan di li pral abòde dosye a ak Prezidan Donald Trump pandan yon vwayaj li gen pou l fè New York pi ta nan mwa septanm nan.
Nan peyi Tiki, Prezidan Recep Tayyip Erdogan di li konsidere kòm yon eskandal desizyon yon tribinal ameriken pran pou l kondane 19 moun --pami yo gen 15 manm ekip sekirite yon delegasyon ofisyèl peyi Tiki-- anba akizasyon deske yo te atake yon gwoup moun ki tap pwoteste pasifikman pandan Prezidan Erdogan tap fè yon vizit nan Washington nan dat 16 me 2017 pase a. Pandan lidè tik la tap pale ak laprès nan vil Istanboul vandredi premye septanm 2017 la, li deklare :
“Kondanasyon sa a se yon siyn klè e se yon eskandal ki montre kijan lajistis fonksyone Ozetazini."
Prezidan Erdogan ajoute li pral abòde dosye a ak Prezidan Donald Trump pandan yon vwayaj li gen pou l fè New York pi ta mwa sa a.
Imaj video montre ajan sekirite peyi Tiki ki te akonpaye delegasyon an nan Washington pandan yo tap bat manifestan ki tap pwoteste andeyò rezidans anbasadè tik la nan kapital federal Lèzetazini an; ajan yo te menm bay manifestan yo koutpye aprè Misye E