Nan moman Prezidan Barack Obama gen yon avans tou mens sou advèsè repibliken li a, Mitt Romney, lidè repibliken yo ap atire atansyon sou eta ekonomi amerikèn nan kòm yon mwayen pou yo remonte pant la. Gen sondaj ki di avans la se 3 pwen ; genyen lot ki mete li jiska nan nivo 7 pwen.
Yon veteran nan zafè sondaj dopinyon, Tom DeFrank --ki ekri sou politik amerikèn nan jounal New York Daily News-- fè konnen sondaj ki di Prezidan Obama devan Romney an reflete reyalite a pou sa ki gen rapò ak entansyon-de-vòt elektè ameriken yo jounen jodiya. Misye DeFrank deklare:
“Mwen panse Obama genyen yon ti avans. Misye ta dwe swete ke, nan mwa kap vini la yo, eta ekonomi an amelyore; an tou ka, se pa pou eta ekonomi an vin pi grav. Epi nou pral gade pou n wè kijan pèp la ap pran sitiyasyon an. Sepandan, mwen panse kous la trè-trè sere pou le moman."
Bò kote pa l, analis politik Rhodes Cook deklare anpil tenò nan kan repibliken an ap fè presyon sou Romney pou misye santre atansyon n sou ekonomi an ; paske, daprè yo, se pi bon mwayen pou kandida repibliken an ranpòte laviktwa sou Prezidan Obama nan eleksyon novanm 2012 la.
Yon kòlèg misye Cook, analis Thomas Mann kap travay pou Brookings Institution nan Washington, pale nan menm sans la; sètadi li panse Mitt Romney ta dwe santre kanpay li, pandan semèn ki rete anvan eleksyon-an, sou eta ekonomi an ak gwo kantite moun ki nan chomaj nan peyi a.
Misye Mann deklare :
"Tou omwens, nou kapab di kan Romney an ap eseye re-oryante kanpay la pou fè l tounen yon deba sou yon referandòm sou administrasyon Obama a e sou eta ekonomi an."
An palan de kanpay elektoral la, nan semèn kap vini la yo 2 kandida yo pral vizite divès eta ki ka jwe yon wòl-kle nan kesyon pou konnen ki lès ki pral ranpòte lavikwata nan dat 6 Novanm pwochen, dat eleksyon prezidansyèl la Ozetazini –Eta tankou Ohio, Colorado, Florid, Iowa, Nevada, New Hampshire, Vijini ak Wisconsin.
Yon veteran nan zafè sondaj dopinyon, Tom DeFrank --ki ekri sou politik amerikèn nan jounal New York Daily News-- fè konnen sondaj ki di Prezidan Obama devan Romney an reflete reyalite a pou sa ki gen rapò ak entansyon-de-vòt elektè ameriken yo jounen jodiya. Misye DeFrank deklare:
“Mwen panse Obama genyen yon ti avans. Misye ta dwe swete ke, nan mwa kap vini la yo, eta ekonomi an amelyore; an tou ka, se pa pou eta ekonomi an vin pi grav. Epi nou pral gade pou n wè kijan pèp la ap pran sitiyasyon an. Sepandan, mwen panse kous la trè-trè sere pou le moman."
Bò kote pa l, analis politik Rhodes Cook deklare anpil tenò nan kan repibliken an ap fè presyon sou Romney pou misye santre atansyon n sou ekonomi an ; paske, daprè yo, se pi bon mwayen pou kandida repibliken an ranpòte laviktwa sou Prezidan Obama nan eleksyon novanm 2012 la.
Yon kòlèg misye Cook, analis Thomas Mann kap travay pou Brookings Institution nan Washington, pale nan menm sans la; sètadi li panse Mitt Romney ta dwe santre kanpay li, pandan semèn ki rete anvan eleksyon-an, sou eta ekonomi an ak gwo kantite moun ki nan chomaj nan peyi a.
Misye Mann deklare :
"Tou omwens, nou kapab di kan Romney an ap eseye re-oryante kanpay la pou fè l tounen yon deba sou yon referandòm sou administrasyon Obama a e sou eta ekonomi an."
An palan de kanpay elektoral la, nan semèn kap vini la yo 2 kandida yo pral vizite divès eta ki ka jwe yon wòl-kle nan kesyon pou konnen ki lès ki pral ranpòte lavikwata nan dat 6 Novanm pwochen, dat eleksyon prezidansyèl la Ozetazini –Eta tankou Ohio, Colorado, Florid, Iowa, Nevada, New Hampshire, Vijini ak Wisconsin.