Gwo pwotestasyon nan peyi Ejipt apre jij ke ansyen prezidan Hosni Mubak te non-men kraze palman an ke islamis yo te domine ---e yo bay ansyen premye minis rejim Mubarak t ap dirije, an palan de Ahmed Shafiq, dwa pou l patisipe nan nan dezyèm tou eleksyon prezidansyèl k ap dewoule wikenn sa a nan peyi a.
Vèdik sila a tonbe malgre palman an te vote yon lwa , sa pa gen lontan, pou entèdi ansyen gwo chabrak nan gouvènman dechouke Mubarak la pran pa nan kouss a la prezidans la. Tribinal konstitisyonèl la pwofite pou l anile yon tyè nan nan palman an, kote li lage chanm bass ejipsyèn nan konfizyon.
Pandanstan, mannifestan ki move kou kong rasanble devan tribinal la pou pwoteste kont dwa d patisipasyon li bay mesye Shafiq epi lage branch lejislatif peyi a nan kouri, yon branch gwoup islamis Ejipt la domine. Anpil nan manifestan yo konsidere jijman jedi 14 jen an kòm yon desizyon politik ki vize mentni ansyen sistèm nan nan plas li abitue okipe nan peyi a.
Nan kad reyaksyon ki soti aletranje , Sekretè Deta ameriken an Hillary Clinton deklare Washington ap swiv de prè sitiasyon an e li atann ni pou l wè yon transfè konplè pouvwa a bay yon gouvènman sivil demokratikman eli.
Jijman tribinal konstitisyonèl la rann sou elijibilite ansyen premye minis gouvènman Mubarak la tonbe 2 jou anvan dezyèm tou eleksyon prezidansyèl ki pral mete Ahmed Shafiq bab pou bab kandida gwoup islamis fratènite muzulman-an, Mohammed Morsi, ki se yon lòt kandida elektè ejipsyen yo twouve entolerab tou.
Gen kèk nan manifestan yo ki sèmante pou yon kontinye fè menm tip pwotestasyon ki te debouche sou dechoukaj gouvènman prezidan Hosni Mubarak la ane pase.
Sepandan, obsèvatè politik Rania El-Malki pale pou di : "lè manifestasyon kap pote rezilta pozitif yo pase deja."
Vèdik sila a tonbe malgre palman an te vote yon lwa , sa pa gen lontan, pou entèdi ansyen gwo chabrak nan gouvènman dechouke Mubarak la pran pa nan kouss a la prezidans la. Tribinal konstitisyonèl la pwofite pou l anile yon tyè nan nan palman an, kote li lage chanm bass ejipsyèn nan konfizyon.
Pandanstan, mannifestan ki move kou kong rasanble devan tribinal la pou pwoteste kont dwa d patisipasyon li bay mesye Shafiq epi lage branch lejislatif peyi a nan kouri, yon branch gwoup islamis Ejipt la domine. Anpil nan manifestan yo konsidere jijman jedi 14 jen an kòm yon desizyon politik ki vize mentni ansyen sistèm nan nan plas li abitue okipe nan peyi a.
Nan kad reyaksyon ki soti aletranje , Sekretè Deta ameriken an Hillary Clinton deklare Washington ap swiv de prè sitiasyon an e li atann ni pou l wè yon transfè konplè pouvwa a bay yon gouvènman sivil demokratikman eli.
Jijman tribinal konstitisyonèl la rann sou elijibilite ansyen premye minis gouvènman Mubarak la tonbe 2 jou anvan dezyèm tou eleksyon prezidansyèl ki pral mete Ahmed Shafiq bab pou bab kandida gwoup islamis fratènite muzulman-an, Mohammed Morsi, ki se yon lòt kandida elektè ejipsyen yo twouve entolerab tou.
Gen kèk nan manifestan yo ki sèmante pou yon kontinye fè menm tip pwotestasyon ki te debouche sou dechoukaj gouvènman prezidan Hosni Mubarak la ane pase.
Sepandan, obsèvatè politik Rania El-Malki pale pou di : "lè manifestasyon kap pote rezilta pozitif yo pase deja."
