Nan vil Chikago, Ozetazini, yon somè Òganizasyon Trete Atlantik Nò a (l OTAN) rive sou dezyèm e dènye jou li. Dirijan 28 eta-manm l’OTAN yo ouvè somè a dimanch 20 me 2012 la avèk lidè ameriken an, Barack Obama, kòm prezidan deba yo. Patisipan yo repete angajman yo te pran pou yo kontinye yon tranzisyon nan Afganistan kote lame peyi a genyen pou pran responsablite defans nasyon an nan men yon fòs entènasyonal ki gen Lèzetazini nan tèt li.
Nan ouvètu somè a, Prezidan Obama pale pou l di geyen defi toujou kap tan l OTAN pi devan nan Afganistan kote fòs militè òganizasyon an, menm jan ak lame afgan an, kapab pèdi plis sòlda; men, daprè lidè ameriken an, tout manm alyans la rete ini otou objektif yap pouswiv yo.
Prezidan Obama deklare :
"Genyen jou difisil pi devan ; men nou si e sèten nou sou bon wout la. E sa somè l OTAN sa a montre, sè ke lemond apiye estrateji nou tabli a. "
Bò kote pa l, sekretè jeneral Alyans Atlantik la, Anders Rasmussen, pale dimanch tou pou l atire atansyon sou modènizasyon sistèm defans ak sistèm atak fòs l OTAN yo genyen a la dispozisyon yo. Pa egzanp, li di sistèm sa yo antre kounye a nan sa li rele « yon faz kapasite pwovizwa », avèk misil entèseptè ki sou yon bato de gè ameriken nan Lanmè Meditèrane a, epi yon sistèm rada ki nan peyi Tiki.
Misye Rasmussen pale pou l di:
“Nan Lisbòn nou te dakò pou n kreye yon sistèm defans anti-misil pou l OTAN. Jounen jodi a, nan Chicago, nou deklare sistèm sa a tounen yon reyalite. Nou rele sa ”yon kapasite pwovizwa” ; se premye pa sou wout reyalizasyon yon objektif a lon-tèm nou genyen pou nou ofri pwoteksyon pou tout popilasyon, tout tèritwa ak tout lame peyi-manm l OTAN ki sou kontinan ewopeyen an. "
Vrèmanvre, l’OTAN ap eseye tabli yon rezo defans ki kapab entèsepte misil lennmi ta lanse kont nenpòt ki peyi ewopeyen, anvan fen deseni 2000-2010 la. Prezidan fransè a, François Hollande, li menm tou, te abòde dosye defans anti-misil la. Li di fòk sistèm sa a pa ta reprezante yon menas pou peyi ki siyen akò amitye ak kowoperasyon ak eta-manm l OTAN yo. Se konsa lidè fransè a lanse apèl pou l mande alyans la fè negosyasyon sou dosye a avèk yon peyi tankou Larisi.
Somè l’OTAN kap dewoule Chikago a, ofri kèk gwoup defans dwamoun ak òganizasyon pasifik ki kont lagè, yon okazyon pou yo pwoteste kont prezans fòs entènasyonal òganizasyon an voye nan kèk peyi –tankou Afganistan.
Yon manm youn nan gwoup sa yo, Alison Bodine, se yon kanadyèn ki sòti jous Vancouver pou l te patisipe nan yon mouvman pwotestasyon anti-lagè ki dewoule dimanch la. Li espere lidè mondyal ki nan some a va konprann mesaj manifestan yo vle voye ba yo a.
Madam Bodine di :
"Nou isit la jounen jodi a pou n di: Se pou yo aboli l OTAN. Nou di : Non pou l OTAN. Nou pa bezwen alyans militè sa yo kap pwovoke lagè ak okipasyon atravè lemond. Sa nou bezwen, se yon vrè solidarite ant lèzòm."
Mo « solidarite » Madam Dodine anplwaye a, se yon mo ki nan bouch lidè l OTAN yo tou pandan yap planifye avni kowoperasyon militè yo nan Afganistan ak lòt kote nan lemond.
Nan ouvètu somè a, Prezidan Obama pale pou l di geyen defi toujou kap tan l OTAN pi devan nan Afganistan kote fòs militè òganizasyon an, menm jan ak lame afgan an, kapab pèdi plis sòlda; men, daprè lidè ameriken an, tout manm alyans la rete ini otou objektif yap pouswiv yo.
Prezidan Obama deklare :
"Genyen jou difisil pi devan ; men nou si e sèten nou sou bon wout la. E sa somè l OTAN sa a montre, sè ke lemond apiye estrateji nou tabli a. "
Bò kote pa l, sekretè jeneral Alyans Atlantik la, Anders Rasmussen, pale dimanch tou pou l atire atansyon sou modènizasyon sistèm defans ak sistèm atak fòs l OTAN yo genyen a la dispozisyon yo. Pa egzanp, li di sistèm sa yo antre kounye a nan sa li rele « yon faz kapasite pwovizwa », avèk misil entèseptè ki sou yon bato de gè ameriken nan Lanmè Meditèrane a, epi yon sistèm rada ki nan peyi Tiki.
Misye Rasmussen pale pou l di:
“Nan Lisbòn nou te dakò pou n kreye yon sistèm defans anti-misil pou l OTAN. Jounen jodi a, nan Chicago, nou deklare sistèm sa a tounen yon reyalite. Nou rele sa ”yon kapasite pwovizwa” ; se premye pa sou wout reyalizasyon yon objektif a lon-tèm nou genyen pou nou ofri pwoteksyon pou tout popilasyon, tout tèritwa ak tout lame peyi-manm l OTAN ki sou kontinan ewopeyen an. "
Vrèmanvre, l’OTAN ap eseye tabli yon rezo defans ki kapab entèsepte misil lennmi ta lanse kont nenpòt ki peyi ewopeyen, anvan fen deseni 2000-2010 la. Prezidan fransè a, François Hollande, li menm tou, te abòde dosye defans anti-misil la. Li di fòk sistèm sa a pa ta reprezante yon menas pou peyi ki siyen akò amitye ak kowoperasyon ak eta-manm l OTAN yo. Se konsa lidè fransè a lanse apèl pou l mande alyans la fè negosyasyon sou dosye a avèk yon peyi tankou Larisi.
Somè l’OTAN kap dewoule Chikago a, ofri kèk gwoup defans dwamoun ak òganizasyon pasifik ki kont lagè, yon okazyon pou yo pwoteste kont prezans fòs entènasyonal òganizasyon an voye nan kèk peyi –tankou Afganistan.
Yon manm youn nan gwoup sa yo, Alison Bodine, se yon kanadyèn ki sòti jous Vancouver pou l te patisipe nan yon mouvman pwotestasyon anti-lagè ki dewoule dimanch la. Li espere lidè mondyal ki nan some a va konprann mesaj manifestan yo vle voye ba yo a.
Madam Bodine di :
"Nou isit la jounen jodi a pou n di: Se pou yo aboli l OTAN. Nou di : Non pou l OTAN. Nou pa bezwen alyans militè sa yo kap pwovoke lagè ak okipasyon atravè lemond. Sa nou bezwen, se yon vrè solidarite ant lèzòm."
Mo « solidarite » Madam Dodine anplwaye a, se yon mo ki nan bouch lidè l OTAN yo tou pandan yap planifye avni kowoperasyon militè yo nan Afganistan ak lòt kote nan lemond.