Lidè k ap travay pou tabli demokrasi nan Bimani an, Aung San Suu Kyi, ap kontinye madi 19 jen 2012 la yon virewon sou kontinan ewopeyen an; li rive nan La Grand Bretay kote li pral reyini avèk manm fanmi li aprè li te kite peyi a sa gen prèske 25 kan.
Madam Sui Kyi, ki gen 67 tan e ki se yon Loreya Pri Nobel Lapè, pral patisipe nan yon panèl diskisyon nan Fakilte Syans Ekonomik vil Lond la anvan l al patisipe nan yon reyinyon familyal nan vil Oxford.
Pi ta semèn sa a, Aung San Suu Kyi pral pran lapawòl devan 2 chanm palman an nan vil Lond, yon onè gouvènman britanik la abitye bay gwo diyitè etranje sèlman. Aung San Suu Kyi te abite pandan dè zane nan La Grand Bretay kote li te etidye anvan li te retounen nan peyi li nan ane 1988 pou l te ka pran swen manman ni ki te malad.
Li tounen lidè yon mouvman kap redi pou tabli demokrasi nan Bimani e, pandan 2 dizèn lane ki pase yo, manmzèl te pase pi fò tan li nan rezidans siveye sou gouvènman militè a.
Madam Sui Kyi, ki gen 67 tan e ki se yon Loreya Pri Nobel Lapè, pral patisipe nan yon panèl diskisyon nan Fakilte Syans Ekonomik vil Lond la anvan l al patisipe nan yon reyinyon familyal nan vil Oxford.
Pi ta semèn sa a, Aung San Suu Kyi pral pran lapawòl devan 2 chanm palman an nan vil Lond, yon onè gouvènman britanik la abitye bay gwo diyitè etranje sèlman. Aung San Suu Kyi te abite pandan dè zane nan La Grand Bretay kote li te etidye anvan li te retounen nan peyi li nan ane 1988 pou l te ka pran swen manman ni ki te malad.
Li tounen lidè yon mouvman kap redi pou tabli demokrasi nan Bimani e, pandan 2 dizèn lane ki pase yo, manmzèl te pase pi fò tan li nan rezidans siveye sou gouvènman militè a.
