Antant sa gen ladann pou li plede koupab devan tribinal ameriken, e li pral rete an libète apre plizyè ane prizon li fin pase nan Wayòm Ini.
Otorite Ameriken te pouswiv Assange poutèt li te gaye sou entènèt plizyè santèn milye dokiman sekrè gouvènman an.
Sitwayen peyi Ostrali a dwe parèt devan yon tribinal federal nan zile Mariana, yon teritwa Ameriken nan rejyon Pasifik la.
Li ta dwe plede koupab pou "konplo li te mare pou jwenn epi gaye sou entènèt la enfòmasyon ki gen rapò ak defans nasyonal Etazini", dapre dokiman lajistis ki soti lendi 24 jen 2024 la.
