Pwojè-lwa a gen ladan 61 milya dola pou Kyèv nan lagè li kont envazyon LaRisi a, ansanm ak 26 milya dola pou Izrael ak èd imanitè pou sivil nan zonn konfli, antwòt nan Gaza, ak 8 milya dola pou rejyon Endo-Pasifik la.
Lidè Chanm Depite a Mike Johnson, yon Repibliken ki reprezante eta Lwizyàn, te pouse pwojè-lwa yo pou konbine yo fè yon sèl, apre Chanm nan te fin apwouve yo chak youn apre lòt, konsa pou bare tout opozisyon kont nenpòt nan yo, sa ki te ka deraye tout pwogram nan.