Se premye pwosè kriminèl kont yon ansyen prezidan Etazini.
Tribinal la chwazi 7 gason ak 5 fanm pou konsidere akizasyon ke 45èm prezidan an ta fè koken an 2016. Men Trump, ki te prezidan soti an 2017 pou rive an 2021 e ki ka jwenn nominasyon pati Repibliken an pou eleksyon 5 Novanm nan, demanti tou le 34 akizasyon yo. Si yo jwen li koupab, li ka tonbe anba santans jiska 4 lane prizon.
Jij nan Kou Siprèm New York Juan Merchan di deba pou ouvri pwosè a ka tanmen lendi maten, yon pwosè ki ka dire 6 semenn.
Merchan, avoka akizasyon yo ak avoka defans Trump yo te pase plizyè èdtan pandan 3 jou kote yo t ap mande kandida manm jiri yo opinyon yo sou Trump.
