Robert F. Kennedy Jr ki gen 70 lane, se pitit gason ansyen senatè New York ak Minis Jistis Etazini, e se neve ansyen Prezidan John F. Kennedy. Se yon avoka anviwònman e petèt moun plis konnen li pou pozisyon li kont vaksen.
Kèk analis di li pa gen anpil chans pou li genyen plas prezidan an. Men nan yon kous kote kèk milye vwa ka di kilès ki ap gen laviktwa nan kèk eta ki pa atache ak okenn kandida, jan sa te ye nan 2 dènye eleksyon yo, Kennedy ka la pou gate chans lòt kandida.
